Network
Baca Juga: 6 Contoh Mukadimah Kultum Ramadhan 2023 Singkat, Cocok Nih untuk Ceramah dan Tausiyah Keagamaan
Nyakitu keneh umat Nasrani. Maranehna parantos dipiwarang ngalaksanakeun ibadah puasa. Malih lamina oge sabulan. Mung hanjakal maranehna teu patuh dina ngajalankeunnana. Malahan, lamun bulan puasa pareng jeung usum panas, sok dipindahkeun ka umum tiris, sabari ditambah 20 poe. Jadi maranehna puasa 50 poe kabehna. Kitu numutkeun katerangan Imam Ath-Thabari anu ditampi ti Musa bin Harun, ti Amr bin Hammad, ti Asbath, ti As-Suddi.
Nu leuwih dipake beurat ku umat Nasrani nyaeta puasana kudu dilaksanakeun dina waktu anu lila. Malahn saparantos sare atawa waktu isya, maranehna teu meunang barang dahar jeung teu meunang kumpul salaki-pamajikan.
Hal sarupa kitu oge terjadi ka kaum Muslimin dina mimiti kenging parentah puasa Romadon. Salah sawiosna sahabat Abu Qais ibn Shirmah sareng Sayidina Umar bin Al-Khathab.
Kacaturkeun, dina hiji peuting, Sayyidina ‘Umar bin Al-Khathab nyarengan Kangjeng Rosul saw. dugika uih wengi ka bumina, malihan ningal istrina parantos kulem. Rupina dina waktos harita, Sayyidina ‘Umar hoyong campur sareng istrina. Tapi, ditolak ku istrina, “Kaula parantos sare!” Sanaos kitu, peuting harita, Sayidina Umar gaul sareng istrina.
Dina wanci isukna, Sayyidina ‘Umar nepangan Kangjeng Rosul, sareng ngadugikan kajantenan peuting tadi. Maka Allah ngalungsurkeun ayat:
Baca Juga: BIKIN LIDAH GOYANG! Resep Membuat Sambal Bajak Petis Khas Sumenep Madura di Bulan Ramadhan
أُحِلَّ لَكُمْ لَيْلَةَ الصِّيَامِ الرَّفَثُ إِلَى نِسَائِكُمْ
Hartina, “Dihalalkan keur aranjeun dina peuting bulan puasa campur gaul jeung istri-istri aranjeun,” (QS. al-Baqarah [2] 187).
Dina Tafsir Ats-Tsa‘labi oge disebatkeun yen Nabi Adam as. kantos ngajalankeun puasa tilu dinten. Sawaktos diturunkan ti surga ka bumi, salirana kaduruk ku panonpoe, sahingga awakna hideung. Teras, anjeuna puasa tilu poe, nyaeta 13, 14, sareng 15.” Puasa ieu disebat puasa “ayyamul bidh” atawa “poe-poe bodas” sakumaha anu ku Kangjeng Rosul dipidamel oge disunahkeun ka umatna.
