Network
Sanese shiyam Ramadhan nggadahi hakekat, semanten ugi shiyam nggadahi faedah ingkang minulya. Menika pinangka bukti bilih syariatipun Allah menika mesti ngandung faedah kangge panggesangan menungso.
Syekh Abu Bakar Jabir Al-Jazairi wonten kitabipun Minhajul Muslim njelasaken bilih shiyam menika wonten 3 faedah: faedah ruhiyah, faedah ijtima’iyah, lan faedah badaniyah. Penjelasanipun sakmenika para rawuh.
Setunggal: Faedah Ruhiyah
Faedah ruhiyah shiyam wonten pinten-pinten perkawis ananging setunggal mawong ingkang paling penting, nggih punika ndidik sifat sabar. Dados shiyam menika pinangka tarbiyah Allah dhateng kawulane supados saya kuat lan kokoh sabare.
Baca Juga: Inilah Doa Puasa Hari Ke 11 Ramadhan, Memohon Karunia dan Pertolongan Dari Api Neraka
Gesang wonten alam donya menika mbetahaken sangu sabar, kranten kathah ujian sing kedah dilampahi. Sabar menika wonten tiga renane; Sabar nindakke perintah Allah, sabar ninggalake kemaksiyatan lan sabar ngadhepu ujian saking Allah subhanahu wata’ala. Tiyang kang sabar dijamin ganjaran ingkang ageng sanget saking ngarsanipun Allah subhanahu wata’ala,
قُلْ يٰعِبَادِ الَّذِيْنَ اٰمَنُوا اتَّقُوْا رَبَّكُمْ ۗلِلَّذِيْنَ اَحْسَنُوْا فِيْ هٰذِهِ الدُّنْيَا حَسَنَةٌ ۗوَاَرْضُ اللّٰهِ وَاسِعَةٌ ۗاِنَّمَا يُوَفَّى الصّٰبِرُوْنَ اَجْرَهُمْ بِغَيْرِ حِسَابٍ
“Muhammad sira dhawuha! He para kawulaningsun kang padha iman, sira padha wedia marang Allah Pangeranira, wong kang padha becik tindake ana ing donya ini bakal padha oleh ganjaran becik. Bumine Allah iku jembar, wus samesthine wong-wong kang padha sabar iku tetep bakal kaparingan ganjarane kang tanpa wilangan cacahe!” (QS. Az-Zumar: 10)
Jamaah shalat Jumat ingkang dirahmati Allah
Faedah Ijtima’iyah
