Hadirin jama’ah jumat rahimakumullah
Hijrah enggi kakdinto aropaagi paristiwa se langkong rajah dalem bãbát sajarah epon paradhaban Islam.
Sampek-sampek peristiwa hijrah kajdintoh deddhih dasar penentuan kalender Hijriah atas usulan Khalifah Umat bin Khattab ra.
Baca Juga: Terjemahan Arab dan Latin Doa Setelah Membaca Surat Yasin Malam Jumat
Hijrah enggi kakdinto aropaagi pangorbanan. Salaen kodu nempoh parjalanan se berra’ kalaban jarak lebbi deri 400 km, kaom muslim ngadhebih ujian dalem anglebatih hijrah.
Kapeng settong; ujian iman. Oreng-oreng muslim kodu atina’agi negri asal epon, artah bhârang, roma, tor jhughen keluarga epon.
Se kakdimma ngalle dek tempat se sobung sanak famili. Jugan tadek kapastean bakal ngaolle compok anyar tor pangaselan anyar minangka ganteh deri artah se e tinggal.
Namong amodal kayakinan monggu partolongan epon Allah subhanahu wa ta’ala. Allah subhanahu wa ta’ala jugan apareng pojhian tor ganjaran se berlipat-lipat dek kaom muhajirin.
وَالَّذِينَ هَاجَرُوا فِي سَبِيلِ اللَّهِ ثُمَّ قُتِلُوا أَوْ مَاتُوا لَيَرْزُقَنَّهُمُ اللَّهُ رِزْقًا حَسَنًا وَإِنَّ اللَّهَ لَهُوَ خَيْرُ الرَّازِقِينَ
Oreng-oreng se hijrah e jhalanna Allah, saterossa pas e pate’eh otaba mateh, onggu-onggu Allah bakal aberrik rajeke se bagus (soargha). Onggu Allah paneka sagus-bagussah se apareng rajeke (QS al-Hajj [22]: 58).